Përderisa reshjet dhe stuhitë e fuqishme po vazhdojnë dhe do të vazhdojnë ende në Itali, në rajonin nuk ka depërtim të këtyre masave ajrore jostabile për shkak të anticiklonit të fuqishëm me qendër në Rusi.
Trendi i modeleve me sa duket do të vazhdojë të sjellë disa anomali ekstreme – mbase nxehtësi ekstreme për këtë kohë të vitit në Ballkanin qendror dhe Evropën Lindore këtë fundjavë. Modelet janë në pajtim të mirë për një masë shumë të ngrohtë ajrore në këtë rajon që do të rezultojë në temperatura të cilat pasdite pritet të arrijnë edhe deri në 25 ° C në disa vende, njofton, MeteoBallkan.
Bazuar në hartat e mëposhtme të temperaturave, mund të presim që temperaturat të jenë 10 ° C më të ngrohta sesa mesatarja për këtë kohë të vitit.
Modeli ARW për ditën e sotme, 3 nëntor tregon vlerat maksimale të temperaturave deri në 27-28 ° C, të cilat mund të thyjnë rekordet e të gjitha kohërave në të gjithë Kroacinë lindore, Serbinë veriore, Hungarinë jugore dhe Rumaninë perëndimore.