Nesër në Kosovë, Shqipëri dhe Maqedoni do të vazhdojë të mbajë mot i ngjashëm, i kthjellët dhe me shumë rreze dielli gjatë ditës kurse me rënie të temperaturave gjatë natës si pasojë e gjatësisë së natës.Vende vende mund të ketë edhe mjegull. Reshje nuk pritet të ketë as nesër dhe as ditëve të ardhshme si pasojë e bllokadës totale anticiklonike mbi rajonin tonë. Fatkeqësisht po duhet ta përsërisim shpesh këtë fjali por kjo arsyeja e thatësisë së madhe; bllokada anticiklonike e cila nuk lejon asesi depërtimin e masave ajrore të lagshta nga Mesdheu apo Atlantiku.
Edhe ditëve të ardhshme nuk pritet kurfar ndryshimi i motit pra do të vazhdojë të jetë mot i ngjashëm sikurse sot. Nga data 15 Nëntor ka gjasa që të kemi depërtimin e një mase të ftohtë ajrore nga lindja e kontinentit por se a do të kemi reshje apo i ftohti do të jetë i thatë ende mbetet pikëpyetje./Meteoballkan.
