Sot në Kosovë pritet të mbajë mot i freskët dhe kryesisht i vranët me reshje shiu. Herë pas here mund të ketë edhe rrebeshe lokale me vetëtima dhe bubullimë. Temperaturat maksimale pritet të luhaten nga 21 deri në 24 gradë Celsius.
Në Shqipëri dhe Maqedoninë Veriore pritet të mbajë mot kryesisht i vranët dhe me reshje shiu. Vende-vende priten reshje të dendura shiu si dhe rrebeshe të fuqishme shiu me vetëtima dhe bubullimë. Temperaturat shënojnë ulje të ndjeshme.
Edhe në Mal të Zi dhe Luginën e Preshevës pritet të mbajë mot kryesisht i vranët dhe me reshje të herëpashershme shiu. Vende-vende mund të ketë rrebeshe shiu me vetëtima dhe bubullimë.
Reshjet më intensive nesër priten në Shqipëri dhe Maqedoninë Veriore ku mund të ketë edhe vërshime të shpejta kalimtare.
Pasnesër (E premte) pritet stabilizim gradual i motit. Priten intervale të gjata kohore me diell dhe vranësira të cilat vetëm rrallë në disa rajone mund të kushtëzojnë ndonjë rigë të dobët shiu.
Për fundjavë na pret mot kryesisht me diell dhe më i ngrohtë. Në veriperëndim të Shqipërisë pasdite priten rrebeshe lokale shiu me vetëtima dhe bubullimë, ndërsa të dielën përsëri më freskët dhe me riga shiu në viset kontinentale dhe gati gjysmën veriore të Shqipërisë.
Nga e hëna stabilizim i motit dhe me diell, por nuk pritet i nxehtë i madh.