Rrebeshet e shiut kanë filluar në jug-jugperëndim të Shqipërisë dhe disa vise në veri-veriperëndim të vendit. Në vazhdim të natës rrebeshet do të zgjerohen dhe intensifikohen. Riga dhe rrebeshe ka edhe në disa vise në Dukagjin.
Nesër në Kosovë pritet të mbajë mot plotësisht i vranët dhe me reshje shiu. Herë pas here dhe vende-vende priten reshje mesatare deri të dendura shiu. Temperaturat do të shënojnë ulje të ndjeshme.
Në Shqipëri nesër pritet të mbajë mot jashtëzakonisht i paqëndrueshëm, me reshje intensive shiu dhe rrebeshe të fuqishme me vetëtima dhe bubullimë. Reshje mesatare deri të dendura shiu nesër priten edhe në Maqedoninë Veriore, Luginën e Preshevës dhe Mal të Zi.
Të premtën na pret mot mjaft i freskët dhe me reshje të shpeshta shiu. Në territorin e Shqipërisë shiu pritet të pushojë përkohësisht, por do të ketë rrebeshe lokale me vetëtima dhe bubullimë.
Për fundjavë na pret mot i vranët, i freskët dhe me reshje shiu, në bregdet nganjëherë edhe me rrebeshe shiu me vetëtima dhe bubullimë./Meteoballkan
