Ditëve të kaluara në territorin e jugut të Italisë pati reshje të fuqishme shiu dhe stuhi të cilat shkaktuan përmbytje masive, madje edhe viktima në njerëz. Më së shumti e pësoi qyteti i Katanias ku humbën jetën dy persona nga ky rajon.
Reshjet e fuqishme të shiut duket sikur nuk mjaftuan dhe tani në drejtim të Siçilisë është nisut Uragani Mesdhetar i krijuar në Mesdheun Qendor, mes brigjeve të Afrikes Veriore dhe Evropes juglindore.
Uragani Mesdhetar apo Medikani pritet të godas Italinë jugore ditëve të ardhshme me shi të rrëmbyeshëm dhe erëra të fuqishme.
Stuhitë tropikale zakonisht ndodhin vetëm në Oqeanin Pacifik dhe Atlantik, por rrallëherë krijohen edhe në Mesdhe gjatë stinës së vjeshtës, dimrit dhe pranverës./Meteoballkan
