Sot në Kosovë pritet të mbajë mot kryesisht i vranët, i ftohtë dhe me reshje sporadike bore. Mund të ketë edhe intervale të shkurtra kohore me diell. Temperaturat maksimale pritet të luhaten nga 1 deri në 3 gradë Celsius.
Në Shqipëri pritet të mbajë mot kryesisht i thatë. Fjolla ose rrebeshe sporadike bore priten në disa vise në verilindje, lindje dhe juglindje të vendit. Në viset tjera pa reshje. Priten edhe kthjellime dhe rreze diellore, por mbetet relativisht ftohtë.
Mot i ngjashëm sikur në Shqipëri pritet edhe në Mal të Zi, ndërsa në Maqedoninë Veriore dhe Luginën e Preshevës priten më shumë vranësira dhe reshje sporadike bore.
Mot i ngjashëm pritet të mbajë edhe ditëve të ardhshme, me vranësira, intervale kohore me diell dhe reshje sporadike bore. Temperaturat pritet të shënojnë ulje sidomos ato minimalet, ndërsa ato maksimalet nuk pritet të pësojnë ndryshime të theksuara./MeteoBallkan
