Sot bë Kosovë pritet të mbajë mot kryesisht me diell dhe vranësira të pakta lokale. Mëngjesi pritet të jetë shumë i ftohtë, me temperatura minimale nga -4 deri në -7 gradë Celsius. Gjatë ditës priten rreze diellore, por do të jetë ftohtë për shkak të erërave të ftohta nga veriu dhe lindja. Temperaturat maksimale pritet të lëvizin nga 6 deri në 9 gradë Celsius.
Në Shqipëri dhe rajon priten intervale të gjata kohore me diell dhe vranësira lokale. Vranësira pak më të theksuara priten në jug/jugperëndim të Maqedonis së Veriut ku mund të ketë edhe ndonjë fjollë sporadike bore.
Mot pothuajse i ngjashëm pritet të kemi edhe të dielën dhe të hënën. Priten rreze diellore, por mbetet ftohtë për shkak të mases së fuqishme ajrore nga lindja e cila ka në dominim të plotë rajonin tonë. Të martën pritet një front i ri i ftohtë ajror pikërisht nga lindja me reshje krejtësisht simbolike, lokale bore në disa vise.
Nga e mërkura përmirësim substancial i motit dhe pranvera më në fund do të fillojë të shfaqet në formën e saj më të bukur. Nga e enjta na pret mot pranveror me temperatura rreth 18 gradë Celsius./MeteoBallkan
