Sot në Kosovë na pret mot më i ftohtë, me vranësira dhe erëra të ftohta nga veriu. Gjatë mëngjesit priten reshje shiu vende-vende të dendura, por të cilat nuk pritet të zgjasin shumë. Në viset kodrinore-malore priten edhe reshje bore, vende-vende të dendura. Reshje kalimtare bore mund të ketë edhe në disa vise më të ulëta, por nuk priten reshje bore në të gjitha ultësirat. Reshjet mund të jenë të dendura gjatë dhe pas kalimit të frontit, por nuk pritet të zgjasin shumë. Gjatë ditës reshjet do të vazhdojnë vetëm në disa rajone. Temperaturat pritet të luhaten nga 3 deri në 10 gradë Celsius.
Në Shqipëri dhe Maqedoninë Veriore pritet të mbajë mot i vranët dhe me reshje shiu. Vende-vende priten rrebeshe intensive shiu me vetëtima dhe bubullimë, ndërsa në viset kodrinore-malore priten reshje bore. Reshje bore priten edhe në veriun e Malit të Zi dhe viset kodrinore-malore të Luginës së Preshevës.
Të Hënën na pret mot me intervale kohore me diell dhe vranësira lokale. Do të ketë erëra mjaft të freskëta nga veriu, ndërsa nga e marta stabilizim i motit dhe rritje e temperaturave./MeteoBallkan
