Pas rritjes së theksuar të temperaturave ditore më në fund i përjetuam disa ditë mjaft të këndshme pranveore, edhe pse mëngjesi ishte mjaft i ftohtë dhe me ngrica lokale. Nesër mëngjesi pritet të jetë i ngrohtë dhe po ashtu edhe dita.
Ulja graduale e temperaturave do të fillojë të shtunën pasdite ose në mbrëmje, ndërsa të dielën pritet mot i ftohtë dhe me reshje shiu e bore në viset malore. Kjo masë e ftohtë ajrore na vjen nga Skandinavia dhe ka origjinë polare. Ka gjasa që gjatë javës tjetër të kemi edhe ndonjë mëngjes me ngrica, por po ashtu ka shpresë që netët të mos kthjellohen dhe mund të shpëtojmë nga acari i dëmshëm dhe i vonshëm pranveror. Na mbetet të shohim dhe të përcjellim gjendjen gjatë javës së re./MeteoBallkan
