Dita e fundit e Prillit 2022 do të karakterizohet me mot kryesisht me diell në Kosovë, por nuk do të mungojnë vranësirat lokale. Pasdite ka gjasa edhe për ndonjë rrebesh të izoluar shiu me vetëtima dhe bubullimë dhe më shumë gjasa për rrebesh shiu ka në juglindje të Kosovës. Dita do të jetë më e ngrohtë me temperatura maksimale deri në 22 Gradë Celsius.
Rrebeshe lokalisht të fuqishme shiu sot priten në Shqipëri dhe Maqedoninë e Veriut, por priten edhe intervale kohore me diell dhe rrebeshet nuk do të prekin tërë territoret. Në Mal të Zi dhe Luginën e Preshevës sot pritet mot kryesisht stabil, me intervale të gjata kohore me diell dhe vranësira lokale.
Të dielën na pret mot i ndryshueshëm ku priten reshje lokale shiu, intervale kohore me diell dhe pasdite rrebeshe lokale me vetëtima dhe bubullimë. Në disa rajone rrebeshet mund të jenë të fuqishme në afat të shkurtër kohor.
Të hënën na pret mot kryesisht i vranët dhe me reshje lokale shiu. Vende-vende mund të ketë rrebeshe lokale me vetëtima dhe bubullimë. Mot kryesisht i vranët dhe me riga kryesisht të dobëta shiu na pret edhe ditën e martë, edhe pse pritet përmirësim gradual i motit.
Nga e mërkura stabilizim i motit dhe rritje e temperaturave./MeteoBallkan
