Nesër në Kosovë do të mbajë mot relativisht i ngrohtë, me intervale kohore me diell dhe shtim të vranësirave të cilat pritet të kushtëzojnë riga të izoluara shiu dhe ndonjë rrebesh afatshkurtër shiu vetëtima dhe bubullimë. Reshjet do të jenë të karakterit lokal dhe në shumë vise nuk priten reshje shiu. Temperaturat pritet të lëvizin nga 6 deri në 22 gradë Celsius.
Në Shqipëri dhe rajon nesër pritet të mbajë mot me intervale kohore me diell dhe shtim të vranësirave. Pasdite dhe në mbrëmje në territorin shqiptar priten reshje shiu.
Për fundjavë dhe të hënën pritet mot i ngjashëm, me intervale të gjata kohore me diell dhe vranësira kalimtare. Rrebeshe shiu me vetëtima dhe bubullimë priten kryesisht në veri të Shqipërisë, ndërsa në viset tjera reshjet pritet të jenë krejtësisht të rralla dhe të izoluara.
Sipas ecurive aktuale sinoptike, të martën pasdite në Kosovë pritet të kemi destabilizim të atmosferës që mund të kushtëzojë rrebeshe lokalisht të fuqishme shiu me vetëtima, bubullimë dhe mundësi për breshër./MeteoBallkan