Sot në Kosovë, Shqipëri dhe Maqedoni do të mbajë mot i vranët dhe me reshje shiu. Reshjet më të dendura të shiut priten në shumicën e territorit të Shqipërisë, pastaj në Kosovën perëndimore dhe veriperëndimore si dhe në Maqedoninë perëndimore.
Do të fryjnë erëra mesatare e nganjëherë edhe të fuqishme nga ana a jugut. Siç theksuam edhe më herët reshjet do të jenë me intensitet të ndryshëm kohë pas kohe të dendura sidomos në zonat e lartëpërmendura. Edhe në zonat tjera priten reshje solide shiu të cilat do të zbusin thatësinë ekstreme që kemi pasur javët dhe muajt e fundit. Reshjet e shiut do të vazhdojnë edhe gjatë natës ndërmjet të martës dhe të mërkurës kurse të mërkurën pritet që gradualisht intensiteti i reshjeve të shiut të ulet, kurse në disa rajone reshjet do të ndërpritën në tërësi./Meteoballkan
