Reshje të mëdha shiu të shoqëruara edhe me breshër kanë përfshirë Prishtinën dhe Podujevën në orët e pasdites.
Si pasojë e stuhisë dhe breshërit, kultura të shumta bujqësore janë dëmtuar e shkatërruar plotësisht.
Lexues të MeteoBallkan kanë treguar se dëme të mëdha në kultura bujqësore janë bërë në fshatrat në Podujevë si pasojë e breshrit të madh që ka rënë, sidomos në fshatrat Lupç, Lluzhan, Majac e Halabak.
Pamjet në vijim nga fshati Majac.
Një banor për MeteoBallkan ka thënë se breshër të tillë nuk kanë parë për vite të tëra.
Pamje nga breshri në Lluzhan:
Ndryshe, edhe gjatë dy tri ditëve të ardhshme, edhe pse pritet të kemi periudha të gjata me diell, ndërkohë priten zhvillime të fuqishme të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Reshjet mund të jenë problematike për disa rajone ngase mund të ketë rrebeshe mjaft intensive për periudha të shkurtra kohore dhe po ashtu mund të paraqitet edhe breshëri së bashku ma shkarkimet e fuqishme atmosferike. Reshjet dhe rrebeshet më së shumti do të vijnë në shprehje orëve të pasdites dhe mbrëmjes.
