Fronti i ftohtë sjellë shtrëngata në Slloveni sot në mëngjes të cilat ende po vazhdojnë në shumë pjesë të këtij vendi. Mëngjesi solli shtërngata dhe freski në bregdetin slloven, ndërsa tani stuhitë kanë hyrë në territorin kroat duke u zgjeruar gradualisht.
Fronti edhe pse i dobët ka shkaktuar destabilizim potent të atmosferës, për shkak të temperaturave të larta dhe çdo kontakt me masen ajrore më të ftohtë dhe jo-stabile shkakton procese mjaft të bujshme atmosferike.
Vranësirat e fuqishme konvektive tani nga Sllovenia po hynë në Kroaci ku po ashtu priten rrebeshe lokalisht të fuqishme shiu dhe freskim i përkohshëm i temperaturave të larta. Pasdite destabilizim i motit pritet edhe në Bosnjë dhe Hercegovinë dhe ndoshta pak a shumë në Serbi, Mal të Zi, Kosovë, veri dhe lindje të Shqipërisë.
Vranësirat pritet të shtohen gjatë orëve të pasdites dhe mbrëmjes edhe në Kosovë dhe Shqipëri, por rrebeshet e shiut pritet të jenë të rralla dhe sporadike.
Nesër pasdite në Kosovë pritet të kemi destabilizim të fuqishëm lokal të motit ku priten shtrëngata lokale dhe ulje të lehta të temperaturave. Rrebeshe lokale priten edhe në veri dhe lindje të Shqipërisë, por kryesisht të pakta, ndërsa shtrëngata lokalisht të fuqishme mund të ketë në Mal të Zi dhe në Maqedoninë e Veriut./MeteoBallkan
