Chengdu i Kinës, planifikon ta ndërtojë një ‘hënë artificiale’ me të cilën do të ndriçojë një diametër prej 80 kilometrash.
I ashtuquajturi satelit shndritës, do të vendoset mbi qytetin jugperëndimor kinez gjatë vitit 2020, teksa do të lëshojë dritë tetë herë më të fortë se Hëna, transmeton Telegrafi.
Zyrtarët që qëndrojnë pas projektit, nuk kanë dhënë detajet konkrete, duke u mjaftuar vetëm me përshkrimin se do të lëshojë ‘shndritje të lehtë si pluhur’.
” />
Kjo pritet ta kompletojë Hënën, duke e ndriçuar regjionin në masë të madhe, teksa do të shërbejë edhe si zëvendësues i dritave që vendosen në rrugë. Madje, drita mund të kontrollohet dhe varësisht nga nevoja, të ndriçohet regjioni prej 10 deri në 80 kilometra.
Megjithëse tingëllon e pamundshme, thuhet se për këtë projekt është punuar gjatë dhe gjithçka është ‘pjekur’ me kohë. Por, mbetet të shihet nëse do të krijohet, apo mbetet vetëm projekt në letër.
Ende pa u ndërtuar, ka pasur kritika të ashpra për këtë ‘hënë’ pasi ndriçimi që pritet të lëshojë, mund të ndikojë keq në botën shtazore dhe studimet astronomike.
Kjo nuk është hera e parë që njerëzit kanë bërë plane për të ndriçuar qiellin gjatë natës, në shumë forma të ndryshme, por të gjitha kanë rezultuar me dështim total.
