Do të koncentrohemi fillimisht në rajonin tonë:
Sipas “AccuWeather” kjo vjeshtë do të karakterizohet me mot të ndryshueshëm në Evropen juglindore ku bënë pjesë rajoni ynë. Meteorologët e “AccuWeather” parashikojnë temperatura të larta në rajonin tonë në fillim të vjeshtës dhe mungesë të reshjeve të bollshme atmosferike. Sipas tyre në pjesën e parë të vjeshtës priten disa valë nxehtësie në territoret e Evropes juglindore.
Pra, sipas tyre parashihen së paku një ose dy valë nxehtësie verore në fillim të vjeshtës. AccuWeather pretendon se reshjet do të intensifikohen në rajonin tonë në pjesën e dytë të vjeshtës edhe pse kjo është një periudhë e gjatë kohore, por me një situatë të favorshme sinoptike duke pas para sysh ujërat e nxehta të Mesdheut do të mund të krijoheshin ciklone të fuqishme të cilat do të sillnin reshje të herëpashershme dendura atmosferike.
Më gjerë në Evropë AccuWeather parasheh rreziqe për zjarre të reja në Spanjë dhe pjesë të Italisë si pasojë e nxehtësisë dhe thatësisë, ndërkohë vazhdon thatësia në shtetet e Beneluksit, Francë dhe Gjermani. Në Britaninë e Madhe parashihen stuhi më vonë gjatë stinës së vjeshtës. Vjeshtë e lagështt parashihet edhe në Evropen verilindore.
Parashikimet afatgjata janë mjaft problematike edhe për shtëpitë më të mëdha meteorologjike në botë siç është AccuWeather.com, por trendet e motit në Evropë dhe te ne për këtë vjeshtë gjykuar sipas analizave të tyre janë këto dhe mbetet të shihet./MeteoBallkan
