Disa ditë me radhë në rajonin tonë po mbanë mot i paqëndrueshëm me zhvillime të rrebesheve dhe stuhive lokale.
Sot zhvillimet janë më të rralla, por kjo nuk do të thotë se nuk priten, madje në disa vise mund të ketë zhvillime të fuqishme, por më të izoluara se ditët e kaluara.
Nesër dhe pasnesër do të kemi ardhjen e një fronti të ftohtë ajror i cili pritet destabilizojë atmosferën edhe ashtu të paqëndrueshme.
Si pasojë priten zhvillime të fuqishme të reja konvektive dhe rrebeshe e shkarkesa rrufeshë. Rrebeshe priten në bregdetin shqiptar gjatë mbrëmjes dhe natën nga e enjta në të premtën ku priten edhe spektakle vetëtimash.
Pasditen e nesërme zhvillime të fuqishme priten edhe në Kosovë, Mal të Zi, disa vise në Maqedoninë Veriore dhe Kosoven Lindore.
Po ashtu ky front pritet shkaktojë ulje të temperaturave dhe largimin e zagushisë sidomos të premtën.
Nga e shtuna do të ketë përmirësim të motit në bregdet, por po ashtu edhe në viset kontinentale, megjithatë mbeten gjasat për rrebeshe të izoluara në disa vise të Republikës së Kosovës./MeteoBallkan
