Sot në Kosove pritet të mbajë mot me vranësira dhe intervale kohore me diell. Here pas here priten reshje shiu dhe rrebeshe lokale me vetëtima dhe bubullimë. Vende-vende priten rrebeshe intensive. Temperaturat shënojnë ulje në kohën e rrebesheve të shiut dhe vranësirave.
Në Shqipëri vende-vende pritet të ketë destabilizim të fuqishëm të motit e veçanërisht në veriperëndim të vendit ku priten rrebeshe lokalisht të fuqishme shiu me vetëtima dhe bubullimë. Rrebeshet e fuqishme të shiut pritet të përfshijnë edhe pjesët qendrore të bregdetit shqiptar duke përfshirë. Në jug të vendit mbetet kryesisht pa reshje, ndërsa në viset tjera priten reshje sporadike.
Rrebeshe të fuqishme dhe intensive shiu priten edhe në bregdetin malazez, ndërsa në Maqedoninë Veriore dhe Kosoven Lindore parashihen intervale kohore me diell dhe reshje sporadike.
Të shtunën pritet të kemi alternime mes vranësirave dhe intervaleve kohore me diell. Vende-vende do të vazhdojnë rrebeshet lokale të shiut, ndërsa të dielën pasdite në Kosovë priten zhvillime të fuqishme të vranësirave të shiu të cilat do të kushtëzojnë reshje lokale shiu dhe rrebeshe lokale me vetëtima dhe bubullimë. Temperaturat do të pësojnë ulje graduale.
Nga e hëna stabilizim i motit, ndërsa priten intervale kohore me diell dhe vranësira. Na presin disa ditë të freskëta në zonat kontinentale, ndërsa në bregdet përmirësim i motit dhe rritje e sërishme e temperaturave./MeteoBallka
