Moti i ashpër ka gjunjëzuar rajonin Marche të Italisë, duke shkaktuar të paktën gjashtë viktima dhe tre të zhdukur në provincën e Ankonës. Kjo është bërë e ditur nga Departamenti i Mbrojtjes Civile pas një kontrolli me autoritetet vendore.
Ka katër viktima në Ostra, një në Trecastelli, një në Senigallia dhe një në Barbara, ku janë ende tre të zhdukur, mes tyre një fëmijë, që janë tërhequr zvarrë nga furia e ujit dhe baltës me makinë.
Bashkia e Cantiano-s është ende e izoluar, një qytet me pak më shumë se 2 mijë banorë në provincën e Pesaros dhe Urbinos, ku reshjet e dendura të shiut kanë shndërruar rrugët në përrenj të vërtetë dhe kanë tërhequr zvarrë makinat. Lumi Misa doli nga shtrati duke shkaktuar përmbytje në Senigallia.
“Në tre orë ra në provincën e Ankonës, gjysma e shiut që binte në një vit,” – shpjegoi menaxheri i urgjencës së departamentit të mbrojtjes civile, Luigi d’Angelo. Sipas tij, ranë 400 mm shi në dy ose tre orë.
“Ishte një ngjarje jashtëzakonisht intensive, të gjitha forcat janë në terren dhe në punë. Ndoshta, vapa e këtyre ditëve, përplasja me një qelizë ajri të ftohtë, ka shkaktuar fenomene të tilla të dhunshme”, shpjegoi ai.
Ndërkohë kryebashkiaku Cantiano-s u ka bërë apel banorëve në rrjetet sociale që të qëndrojnë në shtëpi.
“Janë vërshuar disa lumenj. Uji ka pushtuar rrugët qendrore të vendit. Disa zona tashmë janë zhytur në ujë. Rrjeti rrugor komunal është ndërprerë në disa seksione. Rruga shtetërore drejt Gubbio është e mbyllur. Ftojmë qytetarët të qëndrojnë të qetë dhe të shmangin situatat e rrezikshme”, apeloi ai.
Po kështu edhe shkollat janë mbyllur në komuna të ndryshme të zonës Marche. Në Cantiano, shkollat e të gjitha niveleve janë mbyllur të premten. E njëjta gjë në Corinaldo, Arcevia, Sassoferrato, Serra De ‘Conti dhe Senigallia ku kryetari i bashkisë ka urdhëruar mbylljen e të gjitha shkollave të të gjitha niveleve, shërbimet e kujdesit për fëmijët 0-3 vjeç, qendrat ditore për personat me aftësi të kufizuara, qendrën e ditës Alzheimer, qendrën e pasdites së filizave dhe të gjitha ambientet sportive. Të gjitha urat në qendër janë mbyllur nga policia dhe janë me njerëz.
