Sot në Kosovë pritet të kemi mot mjaft të paqëndrueshëm, me intervale kohore me diell dhe vranësira të dendura që zhvillohen shpejtë dhe fuqishëm duke kushtëzuar reshje shiu dhe rrebeshe intensive shiu me vetëtima dhe bubullimë. Vende-vende ka gjasa për shtrëngata të fuqishme lokale me breshër. Temperaturat do të pësojnë ulje, por ende priten rrymime nëse mund të themi të ngrohta ajrore nga jugu dhe jugperëndimi. Gjatë mbrëmjes vonë ose natës ulje e ndjeshme e temperaturave për shkak të ardhjes së frontit të ftohtë nga veriu i cili do të shënojnë fillimin e rrymimeve të fuqishme ajrore të ftohta nga veriu.
Në Shqipëri pritet të mbajë jashtëzakonisht jo-stabil, me zhvillime të fuqishme të vranësirave të llojeve të ndryshme e po ashtu edhe ato të stuhive të fuqishme me vetëtima dhe bubullimë. Vende-vende priten rrebeshe shumë të fuqishme dhe shira të rrëmbyeshëm që mund të jenë mjaft problematike.
Rrebeshe lokale të fuqishme sot priten edhe në Maqedoninë Veriore, Mal të Zi dhe Luginën e Preshevës. Gjatë natës depërtimi i frontit të ftohtë dhe ulje e ndjeshme e temperaturave.
Të dielën na pret mot mjaft i freskët, madje edhe i ftohtë, por reshjet pritet të ndalen dhe moti do të fillojë të kthjellohet. Gjatë ditës stabilizim gradual i motit, por mbetet mjaft freskët krahasuar me ditët e kaluara. Në viset më të larta malore mund të ketë fjolla kalimtare bore.
Të hënën rritje të lehta të temperaturave. Priten intervale kohore me diell dhe vranësira lokale. Mëngjesi pritet të jetë i ftohtë./MeteoBallkan
