Që nga dita e djeshme është duke vazhduar moti me shi.
Si rezultat i reshjeve të vazhdueshme të shiut në qytetin e Pejës kanë ndodhur edhe vërshime.
Sipas pamjeve të publikuara nga Express, disa makina kanë mbetur nëpër rrugët e Pejës si rezultat i shiut të madh që ka rënë dhe vërshimeve që janë shkaktuar.
Edhe sot në Kosovë pritet të kemi mot mjaft të paqëndrueshëm, me intervale kohore me diell dhe vranësira të dendura që zhvillohen shpejtë dhe fuqishëm duke kushtëzuar reshje shiu dhe rrebeshe intensive shiu me vetëtima dhe bubullimë. Vende-vende ka gjasa për shtrëngata të fuqishme lokale me breshër.
Temperaturat do të pësojnë ulje, por ende priten rrymime nëse mund të themi të ngrohta ajrore nga jugu dhe jugperëndimi. Gjatë mbrëmjes vonë ose natës ulje e ndjeshme e temperaturave për shkak të ardhjes së frontit të ftohtë nga veriu i cili do të shënojnë fillimin e rrymimeve të fuqishme ajrore të ftohta nga veriu.
