Sot në Kosovë pritet të mbajë mot kryesisht me diell dhe me rritje graduale të temperaturave. Mëngjesi pritet të jetë mjaft i ftohtë dhe vende-vende me ngrica të dobëta, brymë dhe mjegull. Gjatë ditës kryesisht me diell, ndërsa erërat do të fillojnë të fryjnë nga jugu dhe jugperëndimi. Temperaturat pritet të luhaten nga o ajo minimale deri në 21 gradë Celsius ajo maksimale.
Në Shqipëri ,Maqedoninë Veriore, Mal të Zi dhe Kosovën Lindore sot pritet të mbajë mot kryesisht me diell dhe rritje graduale të temperaturave. Mëngjesi pritet të jetë mjaft i ftohtë në zonat kontinentale dhe me mundësi për brymë në disa vise. Dita kryesisht stabile dhe me rreze diellore.
Të dielën na pret mot kryesisht me diell dhe pak më i ngrohtë. Pasdite do të ketë shtim të vranësirave në veri të Shqipërisë dhe disa vise në Dukagjin dhe veri të Kosovës, ndërsa në Mal të Zi priten edhe rrebeshe lokale shiu. Gjatë natës rrebeshe shiu priten edhe në veri të Shqipërisë dhe disa vise të Kosovës.
Të hënën na pret mot plotësisht i vranët dhe me reshje të herëpashershme shiu. Në disa vise të Shqipërisë priten reshje mjaft intensive dhe rrebeshe të fuqishme shiu me vetëtima dhe bubullimë. Edhe në Kosovë ka gjasa që herë pas here të ketë reshje pak më intensive sidomos në disa vise në perëndim dhe veri të vendit./MeteoBallkan