Ngjarje e pazakontë në Guajakil të Ekuadorit. Gjatë një lidhjeje direkte me televizionin “Tele Amazonas”, gazetarja Vanesa Robles rrezikohej të bëhej viktimë e një grabitjeje.
Dy persona me motor iu afruan në mënyrë të dyshimtë. Por, pas thirrjes së gazetares se ndihej e rrezikuar dhe po e grabisnin, të dyshuarit kthyen motorin dhe u larguan. Ndërkohë, gazetarja i tërhoqi vëmendjen një polici, të cilit i kërkoi të ndiqte kriminelët.
Ngjarja ndodhi vetëm pak ditë përpara finales së Kupës Libertadores. Kriminaliteti dhe pasiguria në Ekuador duket edhe arsyeja përse për finalen që është ekuivalenti i Champions në Amerikën Latine, janë shitur vetëm 11 mijë bileta.
