Kjo javë parashihet të sjellë mot fillimisht të qetë dhe stabil, por të ndryshueshëm sidomos afër fundit të javës.
Reshje atmosferike nuk pritet të ketë gjatë ditëve të punës së kësaj jave, megjithatë rrallë në disa vise mund të ketë riga afatshkurtra shiu, ndërsa temperaturat pritet të jenë rreth ose pak mbi vlerat mesatare për periudhën kohore në të cilën gjendemi.
Nesër (e hënë) në viset mesdhetare do të ketë shumë intervale kohore me diell, ndërsa në viset kontientale priten vranësira të shpeshta, por reshjet do të jenë simbolike.
Nga e marta deri të premtën në tërë rajonin priten intervale kohore të gjata me diell dhe vranësira të pakta lokale. Mëngjeset dhe netët do të jenë të ftohta dhe me mundësi për mjegull nëpër disa lugina dhe ultësira, ndërsa ditët kryesisht me diell dhe vranësira të pakta. Temperaturat në viset kontientale në pjesën më të ngrohtë të ditës pritet të arrijnë rreth 16 deri në 18 gradë Celsius, ndërsa në viset mesdhetare nga 20 deri në 23 gradë Celsius.
E Premta dhe fundjava.
Bazuar në ecuritë aktuale sinoptike të premtën do të kemi ndryshim gradual të motit si pasojë e ardhjes së një fronti të ftohtë nga veriu i Kontinentit. Fronti pritet të sjellë vranësira dhe reshje lokale shiu.
Njëkohësisht në veriperëndim dhe qendër të Evropes do të ketë ekspansion të fuqishëm anticiklonik dhe një masë e ftohtë ajrore nga verilindja do të drejtohet direkt në drejtim të rajonit tonë duke ulur temperaturat.
Ky kombinim i faktorëve që përmendëm më lartë do të krijojë një ciklon diku afër jugut të Italisë duke kushtëzuar reshje atmosferike në rajonin tonë gjatë fundjavës dhe ekzistojnë gjasa që në viset malore të kemi reshje të dendura bore.
Ishte ky parashikimi i motit me pak fjali për javën e dytë të Nëntorit. Ndryshime në parashikim mund të ketë dhe për çdo ndryshim eventual dhe detaje tjera do të njoftoheni me kohë në postimet tona të përditshme./MeteoBallkan
