Gjuetari Ardian Rexhepi ka folur lidhur me publikimin e fotografisë së drenushës së vrarë, në Facebook.
Ai i tha Insajderit, se rasti ka ndodhur në Gjermani dhe se nuk ka të bëj me gjueti ilegale.
Sipas tij, në Gjermani ekziston një vend i veçantë ku lejohet gjuetia ndaj drenushave dhe kafshëve të tjera.
“Rasti ka ndodhur në Gjermani dhe nuk ka të bëj me gjuetinë ilegale. Në Gjermani ekziston vendi i veçantë ku lejohet gjuetia ndaj drenushave”, tha Rexhepi.
Madje, Rexhepi ka dërguar në redaksinë e gazetës një fotografi ku tregon se rasti ka ndodhur më 12 tetor të këtij viti.
Po ashtu, ai ka treguar se vrasjen e drenushës e ka kryer një shok i tij gjerman.
Sot në media është publikuar një fotografi e drenushës se vrara duke u akuzuar Rexhepi për gjueti ilegale në Kosovë.
Mirëpo një gjë e tillë nuk qëndron.
