Nesër në Kosovë do të mbajë mot me vranësira të shpeshta dhe mundësi për intervale kohore me diell. Temperaturat pritet të luhaten nga -3 ato minimale deri në 9 gradë Celsius ato maksimale.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot stabil dhe me intervale të gjata kohore me diell. Më shumë intervale kohore me diell priten në Shqipëri dhe Maqedoninë Veriore, ndërsa temperaturat shënojnë rritje të lehta.
Të Shtunën pritet të kemi një front të ri të ftohtë ajror i cili do të sjellë vranësira dhe riga lokale shiu, ndërsa në viset kodrinore-malore priten reshje kryesisht të lehta bore. Nuk priten reshje të mëdha.
Të dielën stabilizim i motit dhe gjatë ditës do të ketë intervale kohore me diell dhe temperatura maksimale afërsisht deri në 8 gradë Celsius. Në zonat mesdhetare më ngrohtë.
Nga e hëna do fillojnë rrymimet e fuqishme ajrore nga jugu. Temperaturat do të shënojnë rritje, por do të kemi mot të paqëndrueshëm me vranësira të shpeshta e reshje lokale shiu, vende-vende intensive./MeteoBallkan
