Kjo javë do të na sjellë një mot të ndryshueshëm ku do ti përjetojmë të gjitha ngapak duke filluar nga reshjet e shiut, ndryshimet e temperaturave, në viset malore do të ketë edhe reshje bore. Gjithashtu do të kemi edhe periudha të gjata kohore pa reshje.
Nesër pasdite vonë ose në mbrëmje në Kosovë do të kemi depërtimin e një fronti to ftohë ajror i cili do të na sjellë reshje shiu në ultësira dhe reshje bore në viset malore. Gjatë natës dhe në mëngjesin e së mërkurës do të ketë ulje të temperaturave dhe fjollat borës mund të paraqitën edhe në ndonjë qytet të Republikës së Kosovës. Reshje shiu dhe bore priten edhe në Mal të Zi dhe në veri të Shqipërisë. Reshje më të pakta priten në Maqedoni dhe pjesët tjera të Shqipërisë.
Të mërkurën do të ketë stabilizim gradual të motit por do të jetë mjaft ftohtë sepse do të kemi depërtimin afatshkurtër të masave të ftohta ajrore nga veriu. Gjatë natës mund të ketë mjegull dhe ngrica.
Nga e Enjta dhe e Premta përsëri do të kemi ngritje të temperaturave por do të kemi mot kryesisht stabil dhe pa reshje. Në fundjavë në tërë rajonin tonë pritet destabilizim i motit me reshje shiu. Reshjet më të dendura të shiut do të jenë në Shqipëri.
Ishte ky parashikimi javor i motit nga meteoballkan kurse për informacione më të hollësishme na përcillni në postimet tona ditore.Meteoballkan.
