Nesër në Kosovë do të mbajë mot i ftohtë dhe i thatë. Në mëngjes do të ketë acar dhe vende-vende edhe mjegull. Mjegulla eventuale do të shtojë edhe më shumë ndjeshmërinë e të ftohtit. Cilësia e ajrit pritet që nesër përsëri të përkeqësohet si pasojë e rrymimeve të dobëta ajrore pra, ndikimit të masave ajrore stabile anticiklonike.
Në Shqipëri. Maqedoni dhe Mal të Zi nesër mot i ngjashëm me acar në mëngjes kurse me intervale kohore me diell gjatë ditës. Në shumë lugina pritet të ketë edhe mjegull e cila mund të qëndrojë gjatë tërë ditës. Vetëm në viset bregdetare dhe Luginën perëndimore do të jetë më nxehtë.
Mot i ngjashëm pritet të mbajë edhe ditën e Premte, por me ngritje graduale të temperaturave.
Të Shtunën, fillimisht pritet të ketë ngritje të temperaturave, kurse gjatë ditës dhe natës pritet depërtimi i një fronti pak më të fuqishëm të ftohtë ajror. Ky front do të na sjellë edhe reshje atmosferike. Reshjet fillimisht do të jenë në formë shiu kurse në disa rajone në Shqipëri priten edhe rrebeshe shiu me vetëtima dhe bubullimë. Gjatë natës në të dielën reshjet e shiut do të kalojnë në reshje bore në shumicën e territorit të Republikës së Kosovës me ndonjë përjashtim. Reshje kalimtare bore mund të ketë edhe në ekstremin verilindor të Shqipërisë dhe në viset malore.
Reshjet e borës do të jenë dekorative dhe as kësaj radhe nuk do të zgjasin shumë përpos në viset malore ku mund të krijohen shtresa dekorative.
Gjatë javës së ardhshme do të kemi ulje të temperaturave dhe vende-vende edhe reshje bore, por është shumë herët për detaje prandaj duhet pritur edhe pak në mënyrë që të jemi të sigurtë dhe tju informojmë saktë./Meteoballkan.
