Sot në Kosovë pritet të kemi mot të vranët dhe me reshje shiu. Paradite dhe në mesditë në disa vise priten reshje të dendura shiu të cilat do ndërpriten ku pastaj do të ketë edhe intervale kohore me diell. Temperaturat shënojnë ulje dhe pritet të luhaten nga 4 deri në 16 gradë Celsius.
Reshje të dendura shiu dhe rrebeshe orët e hershme të mëngjesit priten edhe në Shqipëri dhe Mal të Zi, ndërsa gjatë ditës priten intervale kohore me diell e vende-vende rrebeshe të izoluara shiu. Reshjet e shiut paradite do të arrijnë edhe në Maqedoninë Veriore dhe Kosovën lindore.
Nga e shtuna na pret mot i ndryshueshëm dhe i freskët, me intervale kohore me diell e vranësira lokale. Pasditeve do të ketë rrebeshe lokale shiu në disa rajone. Reshje dhe rrebeshe më të përhapura shiu priten pasditen e së dieles dhe në fillim të javës së re./METEOBALLKAN
