Vranësira të dendura dhe reshje të herëpashershme dhe të shpeshta shiu do të jetë karakteristikë kryesore e motit për dy ditët në vijim, megjithatë nganjëherë priten intervale të shkurtra kohore me diell.
Sot në Kosovë pritet të mbajë mot i vranët dhe me reshje shiu. Ka shanse edhe për rrebeshe lokale me ndonjë vetëtimë dhe bubullimë. Temperaturat shënojnë ulje kryesisht të lehta për shkak të reshjeve dhe vranësirave të dendura.
Në Shqipëri pritet mot mjaft i paqëndrueshëm, me intervale të shkurtra kohore me diell dhe (pasdite) zhvillime të fuqishme konvektive që do të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Rrebeshe lokale dhe reshje shiu nesër priten edhe në Maqedoninë Veriore, Kosovën lindore dhe Mal të Zi.
Të martën dhe të mrëkurën na pret mot me vranësira dhe intervale të shkurtra kohore me diell. Pasdite priten zhvillime të fuqishme të vranësirave që pritet të kushtëzojnë rrebeshe lokale shiu me vetëtima dhe bubullimë.
Nga e enjta do të kemi përmirësim të motit, megjithatë ende priten riga dhe rrebeshe lokale vetëm në disa rajone./METEOBALLKAN
