Edhe pse do të kemi mot të paqëndrueshëm, kjo javë do të jetë tipike pranverore ku nuk do të mungojnë intervalet kohore me diell, por edhe rrebeshet e shiut dhe vranësirat e dendura herë pas here.
E Marta dhe e Mërkura do të jenë të paqëndrueshme, me intervale kohore me diell dhe zhvillime të vranësirave të shiut të cilat lokalisht do të sjellin rrebeshe shiu me mundësi edhe për vetëtima dhe bubullimë.
E mërkura do të jetë më e freskëta për shkak të vranësirave, rrebesheve kalimtare të shiut dhe erërave nga veriu, ndërsa të entjen presim përmirësim të motit. Do të ketë më shumë intervale kohore me diell dhe reshjet do të rrallohen.
Të premtën na pret ditë pranverore, me intervale të gjata kohore me diell, megjithatë lokalisht do të ketë zhvillime të vranësirave që mund të kushtëzojnë ndonjë rrebesh, afatshkurtër, lokal shiu.
Fundjava me mot të ngrohtë, por edhe me mundësi për zhvillime të rrebesheve të shiut.
Pra, para nesh një javë me mot të ndryshueshëm. Rrebeshe dhe freski të martën dhe të mërkurën. Përmirësim i përkohshëm të enjtën e sidomos të premtën. Fundjava e ngrohtë, me intervale kohore me diell dhe mundësi për zhvillime të rrebesheve të shiut.
Ishte ky parashikimi javor i motit me pak fjalë. Për çdo ndryshim në parashikim do të njoftoheni në postimet tona të përditshme./METEOBALLKAN