Nesër në Kosovë parashihet të mbajë mot i këndshëm pranveror, me intervale të gjata kohore me diell, por edhe me shtim gradual të vranësirave. Rrallë në disa vise priten riga kryesisht të dobëta, afatshkurtra shiu.
Temperaturat pritet shënojnë rritje dhe ajo maksimale parashihet 21°C.
Në Shqipëri dhe rajon nesër po ashtu pritet mot i këndshëm pranveror, me intervale kohore me diell, por edhe me vranësira lokale të cilat në disa vise mund të kushtëzojnë ndonjë rigë ose rrebesh afatshkurtër shiu.
Nga e hëna destabilizim i motit, por mbetet ende ngrohtë. Erërat jugore dhe jugperëndimore do të fuqizohen. Priten intervale kohore me diell dhe zhvillime të fuqishme lokale të vranësirave që pasdite do të kushtëzojnë rrebeshe shiu me vetëtima dhe bubullimë. Reshjet do të jenë të karakterit lokal, me gjasa për ndonjë stuhi të fuqishme lokale.
Nga e mërkura erërat do të ndryshojnë drejtim dhe do të fillojnë të fryjnë nga veriu. Temperaturat shënojnë rënie dhe priten reshje dhe rrebeshe lokale shiu.
Freskët parashihet të jetë edhe të enjtën, por pa reshje. Të premten rritje e temperaturave./MeteoBallkan
