Gjatë ditëve të ardhshme cikloni Mesdhetar do të përforcohet dhe do të shkaktojë reshje të fuqishme bore në Gadishullin Ballkanik. Më së shumti reshje dhe stuhi dëbore priten në veriun e Malit të Zi, Bosnjë dhe Hercegovinë e posaqërisht në Serbi. Reshje të dendura bore priten edhe në Kroaci por më afatshkurtëra do të jenë në Slloveni. Reshje të dendura shiu dhe stuhi me rrebeshe, vetëtima dhe bubullimë do të ketë në jug të Malit të Zi dhe në shumë pjesë të Shqipërisë.
Janë shtuar dukshëm gjasat që ditën e diel edhe Kosova dhe Maqedonia të përfshihen nga reshje të dendura dhe stuhi bore me kalimin e ciklonit në drejtim të Greqisë. Edhe Greqia herë pas here do të goditet nga rrebeshe shiu me vetëtima dhe bubullimë.
Pra, përpos Serbisë, Bosnjës dhe Malit të Zi tani edhe Kosova ka mundësi që ditën e diel të ketë reshje të dendura dhe stuhi dëbore sidomos natën dhe në mëngjesin e së dielës. Reshje të dendura bore sipas ecurive më të fundit sinoptike do të ketë edhe në Shqipërinë verilindore, lindore dhe juglindore./Meteoballkan.
