Qindra fluturime u anuluan ose u vonuan në tre aeroportet kryesore të Nju Jorkut, si pasojë e reshjeve të dendura të shiut, të cilat shkaktuan përmbytje në disa zona.
Sipas mediave të huaja, në 24 orët e fundit janë anuluar më shumë se 1600 fluturime në SHBA.
Për shkak të stuhive të forta janë anuluar rreth 978 fluturime në SHBA, më të shumtët në tre aeroportet kryesore në zonën e Nju Jorkut dhe Boston, sipas faqes së internetit të gjurmimit të fluturimeve FlightAware.
Gjithashtu, 3165 fluturime u vonuan për disa orë.
Aeroportet e Newark, John F. Kennedy International dhe LaGuardia panë më shumë vonesa dhe anulime, sipas faqes së internetit të gjurmimit të fluturimeve FlightAëare. Gjithsej 365 fluturime hyrëse dhe dalëse u anuluan në Neëark – rreth 30% e të gjitha fluturimeve të planifikuara – dhe 461 të tjera u vonuan, sipas të dhënave të FlightAëare.
“Ekziston një rrezik i moderuar i shiut të dendur nga Jersey në Maine jugperëndimore që përfshin Filadelfia, Nju Jorkun dhe Bostonin,” tha Robinson Cook, një meteorolog në Qendrën e Parashikimit të Motit në SHBA.
Stuhitë e rënda të fundjavës, të nxitura nga ajri i lagësht jashtë Atlantikut, po shkaktojnë përmbytje të shpejta në verilindje dhe tornado në disa zona përreth.
