Qyteti më i populluar në Emiratet e Bashkuara Arabe, Dubai është goditur nga një stuhi që ka sjellë shira të dendura, bubullima dhe stuhi pluhuri fundjavën e kaluar.
Qyteti u përfshi nga kaosi, pasi pemët u rrëzuan nga erërat e forta dhe rrugët u përmbytën, teksa disa njerëz u detyruan të evakuohen.
Autoritetet morën më shumë se 100 thirrje urgjente gjatë motit të paqëndrueshëm, i cili thuhet se do vazhdojë në të njëjtat kushte edhe këtë javë.
