Temperatura shumë të larta verore po mbretërojnë këto ditë në territoret tona duke u freskuar ngapak vetëm nga rrebeshet dhe stuhitë kalimtare që erdhën ditëve të kaluara.
Mot i ngjashëm na pret edhe gjatë fundjavës, madje priten rritje të mëtutjeshme të temperaturave dhe njëkohësisht do të jetë kulmi i kësaj vale të fortë të nxehtësisë verore. Sipas të të gjitha gjasave edhe dita e hënë do të jetë shumë e nxehtë dhe me temperatura maksimale rreth ose pak mbi 35 gradë Celsius. Rrebeshet e shiut këto ditë do të jenë shumë më të rralla dhe më të izoluara me përjashtim të jugut dhe juglindjes së Shqipërisë ku do të ketë gjasa për ndonjë stuhi të fuqishme me rrebeshe intensive shiu me vetëtima dhe bubullimë.
Freskim të motit në territoret tona pritet të kemi nga dita e martë e javës së re. Më në fund do të kemi ulje të temperaturave dhe kjo ulje e temperaturave do të përcillet edhe më vranësira lokale dhe ndonjë rrebesh lokal shiu me vetëtima dhe bubullimë. Reshje gjithëpërfshirëse shiu nuk priten njëherë për njëherë./METEOBALLKAN
