Fronti i ftohtë ajror nga veriu i Kontinentit do të shkaktojë destabilizim të motit ditën e Hënë. Paradite të hënën pritet të kemi mot relativisht të nxehtë kurse gjatë ditës pritet të depërtojë fronti i ftohtë ajror i cili do të na sjellë reshje shiu. Reshjet e shiut vende-vende mund të jenë të dendura. Në viset malore pritet që reshjet e shiut shpejt të shndërrohen në reshje bore kurse në viset e ulëta pas kalimit të frontit kur priten reshje kalimtare bore të cilat në disa rajone mund të krijojnë edhe shtresa dekorative bore.
Pas kalimit të frontit do të vijë edhe të ulja e ndjeshme e temperaturave, kështu që dita e Martë do të jetë mjaft e ftohtë, me erëra të ftohta veriore por kryesisht e thatë.
Reshjet e borës nuk do të zgjasin shumë me përjashtim të viseve malore ku priten disa cm. borë e freskët. Nga e Marta do të jemi përsëri nën ndikimin e masave ajrore të ftohta nga veriu dhe masave të thata anticiklonike që vijnë nga Evropa Qendrore. Netëtë përsëri do të jenë të ftohta dhe ka shumë mundësi që të rikthehet edhe mjegulla. Sidoqoftë inofrmacione të reja më vonë në postimet tona të ardhshme në Meteoballkan.com/Meteoballkan.
