Fronti i fuqishëm i ftohtë ajror do të arrijë nga veriu i Kontinentit në drejtim të rajonit tonë nesër gjatë ditës. Pra nesër paradite pritet të mbajë mot me ndonjë inteval kohor me diell dhe relativisht i nxehtë,me erëra mesatare deri të fuqishme jugperëndimore, kurse pasdite pritet përkeqësim dramatik i motit me reshje të dendura shiu, erëra të fuqishme veriore dhe pastaj mund të kemi edhe reshje të dendura bore. Reshjet e borës do të varen shumë nga momenti kur temperaturat do të fillojnë të ulën. Nëse temperaturat ulen më herët atëherë mund të kemi surpriza dhe reshje të dendura por afatshkurtëra bore. Nëse temperaturat ulen me vonesë atëherë shumica e reshjeve do të jetë në fromë shiu. Në viset malore priten reshje të dendura bore.
Sidooftë pas depërtimit të frontit do të kemi ulje të theksuar të temperaturave dhe rikthimin të temperaturave dimërore. Gjatë të Martës dhe të Mërkurën pritet të mbajë mot i ftohtë me reshje lokale, të herëpashershme të dobëta bore dhe me erëra të ftohta veriore./Meteoballkan.
Të theksojmë edhe njëherë se gjatë mbrëmjes apo afër mesnatës së nesërme pritet erëra të fuqishme dhe të ftohta veriore të shoqëruara vende-vende me reshje të dendura bore. Reshjet nuk do të jenë afatgjata por do të mjaftojnë për krijimin e shtresave dekorative në shumë rajone të Republikës së Kosovës, në verilindje, lindje dhe juglindje të Shqipërisë dhe Maqedoni./Meteoballkan.
