Në këto çaste në Gjirin e Gjenovës në veri të Italisë është krijuar një ciklon shumë i fuqishëm me reshje intensive shiu e bore në zonat përreth, ndërkohë që kemi depërtimin e ajrit të ftohtë polar i cili po shkakton reshje të dendura bore në Alpe, jug të Gjermanisë, Austri etj.
Cikloni ka një trajektore që nuk i përgjigjet reshjeve të borën në territoret tona, prandaj rrugëtimi i ciklonit është drejt lindjes së Evropes, përmes jugut të Hungarisë dhe Vojvodinës së Serbisë. Cikloni që solli reshje të dendura bore të shtunën e kaluar kishte shtrirje nga Deti Jon në Detin Egje e deri në Detin e Zi përmes territoreve tona prandaj ra borë, ndërsa ky ciklon nuk do të ketë trajektore të ngjashme, prandaj nuk priten reshje bore në territoret tona përpos disa zonave të caktuara.
Sidoqoftë, masa ajrore e ftohtë polare shumë shpejt do të arrijë në Slloveni, pastaj në Kroaci dhe Bosnjë dhe Hercegovinë ku priten lokalisht reshje intensive bore sidomos në veri dhe perëndim të Sllovenisë, veriperëndim të Kroacisë dhe lokalisht në vise tjera.
Nesër masa e ftohtë polare arrin në Mal të Zi, Serbi dhe Kosovë. Përpos veriut të Malit të Zi dhe territorit të Sangjakut ku priten reshje më intensive bore, në viset tjera reshjet e borës do të jenë më të pakta dhe lokale.
Në Kosovë temperaturat shënojnë ulje të ndjeshme nesër në mëngjes, me reshje lokale bore, por pa ndonjë akumulim./MeteoBallkan
