Finlanda dhe Suedia kanë regjistruar temperaturat më të ftohta të dimrit deri më tani me termometrat që kanë rënë në minus 40C, ose edhe më poshtë, pasi vendet mbetën nën ndikimin e të ftohtit nordik.
Sipas mediave të huaja, përcjell Telegrafi, temperatura ra në minus 41.6C në Nikkaluokta, një fshat i vogël në veri të Suedisë, të martën, tha transmetuesi publik suedez SVT.
Disa zona të tjera të të njëjtit rajon kanë parë minus 30C, sipas Institutit Suedez Meteorologjik dhe Hidrologjik.
From a cold north of Sweden (below -20 for over a week now) I wish you a Happy New Year, with a few pics from today.
Including my dad's old Granada 1985, a bit frosty. As a bonus a VAZ in the background. 😃 pic.twitter.com/FgZJplyuD0— Vikky Svedish (@VikkySvedish) December 31, 2023
Meteorologu i SVT, Nils Holmqvist tha: “Është temperatura më e ftohtë që kemi pasur deri më tani këtë dimër dhe do të vazhdojë të jetë mot mjaft i ftohtë në veri”.
Dhe këto temperatura që kanë sjellë edhe ngrica kanë shkaktuar probleme thelbësore për udhëtimin e trenave në veri, thanë ndër të tjera operatorët hekurudhor suedez.
Në Finlandën fqinje, temperatura më e ulët deri më tani u regjistrua në qytetin veriperëndimor të Ylivieska, ku temperatura ra në minus 37.8C herët të martën.
Yes, it's cold in Finland pic.twitter.com/nKlW8MkeKA
— hoppanasoppa (@mmeemeli) January 2, 2024
Ajo ra në më pak se minus 30C në pjesë të rajonit të Laplandës Arktike.
As Helsinki nuk do të shpëtojë, me temperatura midis minus 15C dhe minus 20C që priten në kryeqytetin finlandez gjatë gjithë kësaj jave.
Por Instituti Meteorologjik Finlandez ka paralajmëruar se mund të jetë shumë më ftohtë në disa pjesë të vendit, me temperatura edhe më të ulëta se minus 40C (minus 40F).
Ndërsa në Norvegjinë jugore, një pjesë e autostradës E18 u mbyll për shkak të një situate të lidhur me motin, tha policia në X.
E në Danimarkë, Drejtoria Daneze e Rrugëve tha se kishte mbyllur një urë kyçe për automjetet me rimorkio të lehta për shkak të erërave të forta që mund të ndikojnë në drejtimin.
Bora e madhe pritej në pjesën veriore të vendit, sipas Institutit Meteorologjik Danez.
