Një front mjafti fuqishëm i ftohtë ajror do të përfshijë lindjen e largët të Evropes në drejtim të Detit të Zi dhe Turqisë duke shkaktuar reshje të dendura bore në disa zona të Ukrainës, Rusisë, Turqisë e deri në disa vise të Rumanisë e ndoshta edhe Bullgarisë por këtu afër territoreve tona reshjet do të jenë shumë më të pakta, ndërsa në territoret tona krejtësisht simbolike.
Ky front i ftohtë ajror do të përmbajë edhe ajrin ekstrem të ftohtë polar, por fatmirësisht në territoret tona pritet ndikimi vetëm periferik i kësaj mase të ftohtë ajrore, prandaj në viset tona nuk pritet asgjë ekstreme.
Megjithatë, ky i ftohtë do të ndjehet dukshëm me fuqizimin e erërave veriore dhe verilindore, ndërsa vranësira dhe reshje të pakta bore të karakterit lokal priten vetëm në disa zona të caktuara.
Ky i ftohtë do të jetë i thatë dhe plotësisht normal për këtë periudhë kohore dhe pritet të intensifikohet gradualisht gjatë ditës së premte e sidomos në mbrëmje. Nata do të jetë me acar, po asgjë ekstreme.
Edhe e shtuna do të jetë e ftohtë me mbetjet e ajrit mjaft të ftohtë polar, ndërsa të dielën parashihet të kemi përmirësim të kushteve të motit dhe rritje të temperaturave dhe tërheqjen e ajrit të ftohtë polar.
Fillimi i javës së re me rritje të temperaturave, pastaj një front i ri i ftohtë ajror sjellë reshje shqote, shiu e me shumë gjasa edhe bore, por temperaturat ulen vetëm në kohën e reshjeve eventuale të borës deri në kalimin e frontit të ftohtë.
Nga e mërkura rritje e ndjeshme e temperaturave dhe shkrirje e borës eventuale./MeteoBallkan
