Nesër në Kosovë pritet të mbajë mot plotësisht i vranët dhe me reshje të herëpashershme, lokale shiu. Nganjëherë në disa rajone priten reshje më intensive të cilat do të ndikojnë jashtëzakonisht mirë në përmirësimin e gjendjes apo në zbutjen e thatësisë esktreme.
Temperaturat do të shënojnë ulje të mëtutjeshme dhe minimalja pritet të zbres deri në 4 apo 3 gradë Celsius, kurse maksimalja pritet të shkojë deri në 10 gradë Celsius.
Reshje më intensive priten nesër sidomos në shumë pjesë të Maqedonisë së Veriut.
Edhe në Shqipëri nesër pritet të mbajë mot kryesisht i vranët e shpesherë me rrebeshe lokale shiu me mundësi edhe për ndonjë vetëtimë dhe bubullimë.
Reshje shiu nesër priten edhe në Luginën e Preshevës dhe Mal të Zi. Në veri të Malit të Zi do të fillojnë reshje bore.
Edhe të hënën na pret mot plotësisht i vranët e me reshje kryesisht të pakta lokale. Vonë në mbrëmje ose në mëngjesin e së Martës një valë e re reshjesh shiu do të na vjen nga jugu. Lagështia do të vjen nga jugu e erërat kryesisht nga veriu. Kësaj radhe reshjet do të jenë më të dendura dhe priten në të gjitha viset sidomos mëngjesin e së Martës, eventualisht edhe gjatë ditës së Martë. Në malet më të larta priten reshje bore.
Dita e mërkurë do të karakterizohet me vranësira dhe reshje të pakta lokale. Në pjesë të Shqipërisë e Maqedonisë së Veriut mund të ketë intervale kohore me diell./MeteoBallkan
