Nesër në Kosovë na pret mot veror, me diell dhe mjaft i nxehtë. Temperaturat do të lëvizin nga 8 ajo minimale deri në 28 gradë Celsius maksimalja.
Në Shqipëri, Maqedoninë Veriore, Kosovën lindore dhe Mal të Zi nesër pritet të mbajë mot me diell dhe shumë i ngrohtë për këtë periudhë kohore.
Do të jemi në “zemër” të masës ajrore anticiklonike me origjinë afrikane, përderisa një front i ftohtë ajror depërton në Itali, por pa ndonjë ndikim në Ballkan. Fronti i ftohtë do të depërtojë në Detin Tiren dhe pastaj kjo masë jo-stabile ajrore do të niset drejt Afrikes Veriore duke shkaktuar rrebeshe të fuqishme (lokale) shiu në shumë pjesë të Algjerisë, Tunizisë dhe Libisë.
Pra, fronti në vend të rrugës së tij natyrale drejt Ballkanit do të shkojë në Afrikë, sidoqoftë temperaturat do të ulen pak nga e Enjtja duke falënderuar pikërisht frontin që përmendëm më lartë, megjithatë vazhdon moti veror në viset tona, por me ulje krejtësisht të lehta të temperaturave./MeteoBallkan
