Një mjegull dramatike ngjyrë portokalli ka përfshirë kryeqendrën e Greqisë, Athinën, ndërsa retë e pluhurit kanë arritur nga shkretëtira e Saharës, raporton “BBC”.
Greqia ishte goditur nga re të ngjashme në fund të marsit dhe fillim të prillit, re që kanë mbuluar po ashtu zona në Zvicër dhe në jug të Francës.
Qielli po parashikohet të kthjellohet gjatë ditës, ka thënë shërbimi meteorologjik i Greqisë.
Cilësia e ajrit është përkeqësuar në shumë zona dhe mëngjesin e së mërkurës Akropoli në Athinë nuk ishte i dukshëm për shkak të pluhurit. Reja ka arritur deri në Selanik.
Personave me problemeve me frymëmarrje u është kërkuar të kufizojnë kohën që kalojnë jashtë, të mbajnë maska mbrojtëse dhe të shmangin ushtrimet fizike në ambient të tillë.
Sahara lëshon 60 milionë deri 200 milionë tonë pluhur të mineraleve në vit.
Shumica e pluhurit zbret shpejt në Tokë, por disa nga grimcat e vogla mund të prëshkojnë distanca më të mëdha, ndonjëherë duke arritur në Evropë.
