Nesër në Kosovë fillimisht do të kemi ngritje të vogël afatshkurtër të temperaturave për arsye të ajrit parafrontal. Nga mbrëmja do të vije fronti dhe pastaj do të pasojë depërtimi i ajrit të acart Siberik. Kjo do të ndjehet fuqishëm sidomos të Entjen. Do të kemi edhe erëra të fuqishme dhe të akullta veriore.
Edhe në Shqipëri dhe Maqedoni do të vije goditja Siberike. Në Shqipërinë perëndimore dhe veriperëndimore priten reshje afatshkurtëra shiu po nuk përjshtohet mundësia që të paraqiten shkurtimisht edhe reshje bore. Në pjesët tjera të Shqipërisë priten reshje bore dhe erëra të fuqishme dhe të ftohta. verilindore dhe lindore. Lexoni me kujdes sepse po ka keqkuptime. Nuk mund të themi se reshje bore do të ketë në çdo cep të Shqipërisë duke pasur parasysh se Shqipëria ka territor të madh në kontekstin gjeografik. Në Shqipërine jugore, e sidomos juglindore, lindore dhe veriore priten furtuna dimërore me reshje bore dhe erëra të fuqishme. Reshje bore do të ketë edhe në shumë pjesë të Shqipërisë qendrore. Në viset kodrinore -malore do të krijohen edhe orteqe bore si pasojë e fortunave dimërore.
Reshje bore priten edhe në Maqedoni dhe veriun e Malit të Zi. Reshjet e borës në Kosovë do të krijojnë shtresa nga 2 deri në 8 cm. nga e entja e tutje. Pra kjo goditje dimërore do të karakterizohet më shumë me erën e ftohtë, të fuqishme dhe temperaturat mjaft të ulëta, se sa me reshje atmosferike. Por nuk do të mungojnë edhe reshjet të cilat do të jenë lokale dhe të herëpashershme./Meteoballkan
