Temperaturat kanë arritur në pikat më të larta sot duke u regjistruar deri në 40 gradë Celsius në shumë vise të Ballkanit përreth territoreve tona dhe po ashtu edhe në disa pjesë të viseve tona.
Ngjyra e kuqe e theksuar në imazhin satelitor tregon më së miri se si në viset tona dhe vendet përreth masa ajrore shumë e nxehtë me origjinë nga Afrika veriore po mbizotëron.
Grumbullimi i ajrit shumë të nxehtë në viset tona dhe pjesë të Evropes, ndërsa nga Evropa ka lajme për fillimin e disa stuhive të fuqishme lokale të cilat do të freskojnë motin fillimisht në vendet më afër Atlantikut. Masa ajrore e freskët dhe shumë jo-stabile nga Atlantiku do të fillojë të depërtojë më thellë në Evropë dhe në kontakt me ajrin shumë të nxehtë me origjinë nga Afrika veriore do të shkaktojë stuhi të fuqishme intensive në shumë pjesë të Evropes. Stuhitë më të fuqishme priten pikërisht në zona e pikëtakimit mes mes fronteve që vijnë nga Atlantiku dhe ajrit ekstremisht të nxehtë. Frontet nga Atlantiku do të përparojnë gradualisht në drejtim të jugut dhe lindjes duke arritur edhe në viset tona gjatë fundjavës apo krejt në fillim të javës së re.
Deri atëherë na pret mot shumë shumë i nxehtë veror, ndërkohë stuhi të mëdha priten në Evropë. Këto stuhi do të fillojnë të zhvendosen gradualisht në drejtim të Ballkanit, fillimisht në Slloveni dhe vendet afër.
Vapa shumë e fuqishme në viset tona do të vazhdojë deri në fundjavë, ndërsa gjatë fundjavës parashihet të kemi zhvillime të fuqishme konvektive që vende-vende do të sjellin rrebeshe shiu dhe freski shumë të mirëpritur./MeteoBallkan
