Nesër në Kosovë pritet të kemi mot të ngrohtë për këtë periudhë kohore. Parashihen vranësira e intervale të gjata kohore me diell. Në perëndim të vendit më shumë vranësira, ndërsa në lindje më shumë diell. Reshjet e shiut do të jenë të pakta dhe të karakterit lokal, por në pjesën veriperëndimore të Kosovës priten reshje paksa më intensive. Vonë në mbrëmje reshje shiu në shumë pjesë të Kosovës sidomos në Dukagjin.
Temperaturat parashihet të luhaten nga 10 minimalja deri në 20 gradë Celsius ajo maksimale.
Në Shqipëri nesër pritet të mbajë mot me vranësira e reshje lokale shiu. Rrebeshe shiu më të shpeshta priten thellë në veri të Shqipërisë e në viset tjera rrebeshet do të jenë paksa më të rralla.
Reshje më intensive shiu nesër priten në Mal të Zi e reshje të pakta lokale priten në Maqedoninë Veriore dhe Luginë të Preshevës ku moti do ti ngjasojë më shumë pranverës se vjeshtës.
Të premten na pret mot edhe më i ngrohtë sidomos në pjesë të Kosovës e Maqedonisë së Veriut, ndërsa rrebeshet e shiut vazhdojnë në Mal të Zi, veri të Shqipërisë e po ashtu edhe në jug të Shqipërisë, lokalisht edhe në vise tjera. Rrebeshe të fuqishme priten në veri të Shqipërisë dhe Mal të Zi.
Rrebeshe shiu të premten priten edhe në Dukagjin të Kosovës, kurse në juglindje e lindje të Kosovës do të ketë periudha me diell e erëra jugore e juglindore me temperatura mbi 20 gradë Celsius.
Vonë mbrëmjen e së Premtes eventualisht orëve të para të së shtunës do të kemi përkeqësim të motit në të gjitha viset për shkak të afrimit të qendrës ciklonike dhe njëkohësisht edhe frontit të ftohtë ajror. Si pasojë do të kemi destabilizim të fuqishëm të atmosferës me rrebeshe intensive shiu me vetëtima dhe bubullimë që nga Mali i Zi dhe veriu i Shqipërisë sistemet e fuqishme të reshjeve do të zhvendosen në viset tjera të Shqipërisë e Kosovës.
Në Maqedoninë Veriore më pak reshje.
Me depërtimin e frontit të ftohtë ajror do të kemi ulje të temperaturave e në viset malore reshje shqote e bore.
Të shtunën na pret mot i vranët, më i ftohtë e me reshje lokale. Reshjet do të vinë duke u dobësuar e atmosfera do të vjen duke u stabilizuar gradualiasht.
Të dielën mot më stabil dhe me periudha me diell e temperaturat do të fillojnë të ngriten menjëherë./MeteoBallkan
