Cikloni po kalon në lindje të Kontinentit duke hapur rrugën e temperaturave të ulëta me origjinë polare të depërtojnë në viset tona sidomos në Kosovë. Po ashtu do të fillojnë reshje bore të cilat në disa vise pritet të jenë të dendura dhe të krijojnë shtresa, por me ikjen e ciklonit reshjet nuk do të zgjasin shumë. Pas mesnate apo orëve të hershme të mëngjesit reshjet e borës do të pushojnë, ndërsa temperaturat polare depërtojnë.
Nuk pritet asgjë ekstreme dhe të gjitha janë brenda suazave dhe konditave normale meteorologjike.
Me erërat veriore depërtojnë temperatura dukshëm më të ulëta të cilat do të ndihmojnë që bora e cila bie sonte, megjithatë të qëndrojë ndonjë ditë. Po ashtu priten mëngjese me acar, por asgjë ekstreme. Në përgjithësi disa ditë temperaturat do të jenë nën vlerat mesatare për këtë periudhë kohore, ndërkohë që reshjet atmosferike pas këtij cikloni do të jenë të pakta dhe të lokalizuara.
Sipas ecurive aktuale sinoptike dy tri ditët e para të javës së re do të jenë nën ndikimin e anticiklonit të fuqishëm që vjen nga Mesdheu duke kushtëzuar rritjen e temperaturave maksimale. Acari i mëngjeseve do të jetë pak më i butë dhe do vjen deri te krijimi i mjegullës nëpër lugina dhe disa ultësira. Reshje të reja mund të kemi nga gjysma e javës së re, por kjo mbetet të shihet./MeteoBallkan
