Fronti i ftohtë ajror të Hënën sjellë ulje rapide të temperaturave në Kosovë, reshje shiu të cilat në viset kodrinore-malore do të jenë në formë shqote e bore. Erërat do të ndryshojnë drejtim dhe do të fillojnë të fryjnë mjaft të ftohta nga veriu dhe verilindja. Gjatë natës dhe mëngjesit të së Martës reshje bore priten në shumë pjesë të Kosovës duke përfshirë edhe shumë zona të ulëta. Reshjet do të jenë kalimtare dhe gjatë ditës së Martë pritet që reshjet të ndërpriten. Mëngjesi i së mërkurës pritet të jetë shumë i ftohtë nëse kthjellohet tërësisht moti.
Në Shqipëri Të Hënën pritet të mbajë mot i vranët dhe me erëra veriperëndimore. Temperaturat do të shënojnë ulje ndërkohë që priten rrebeshe shiu, vende-vende me vetëtima dhe bubullimë. Gjatë natës dhe mëngjesit të së Martës reshje bore pritet të fillojnë në veri dhe verilindje të vendit, pastaj në lindje e deri në juglindje me ulje të theksuara të temperaturave. Gjatë ditës së Martës reshjet pushojnë dhe pasojnë kthjellime dhe acar gjatë natës dhe mëngjesit në zonat kontinentale.
Edhe në Maqedoninë Veriore dhe Luginë të Preshevës të Hënën priten vranësira dhe reshje lokale shiu e në viset kodrinore-malore reshje bore. Mëngjesin e hershëm të së hënës reshje bore priten në shumë zona në veriperëndim, perëndim dhe jugperëndim të Maqedonisë së Veriut. Gjatë dites pason kthjellimi gradual, pastaj acari polar.
Nga e Mërkura stabilizim i atmosferës dhe rritje graduale e temperaturave./MeteoBallkan
