Ndërkohë që disa pjesë të Evropës po luftojnë me borë rekorde, autoritetet australiane kanë paralajmëruar qytetarët që të shmangin daljet jashtë për shkak të temperaturave të larta në disa pjesë të vendit që pritet të rriten edhe më shumë në ditët në vijim.
Pjesët e shtetit më të populluar të Australisë, Uellsit të Ri Jugor dhe pjesët e Australisë Perëndimore, regjistrojnë një temperaturë të natës rekord prej 33 gradë Celsius, me shumicën e temperaturave gjatë ditës ngrihen dhe mbi 45 gradë në pjesë të Uellsit të Ri Jugor, Australisë Jugore dhe Viktorias, sipas institutit meteorologjik shtetëror, njofton MeteoBallkan.
Në qytetin Marble Bar temperatura më e lartë ishte matur deri në 49.3 Celsius.
Për shkak të nxehtësisë ekstreme në juglindje të vendit, më shumë se një milion peshq u bllokuan në bregdet dhe ekspertët paralajmëruan se situata do të përkeqësohet në ditët e ardhshme. Pritet që kjo valë e nxehtë të zgjasë së paku edhe një javë tjetër.
Temperaturat jashtëzakonisht të larta afektojnë edhe bujqësinë që ende po shërohet nga viti i thatësirës. Shumë fermerë pësuan dëmtime nga thatësira që goditi kulturat bujqësore, sidomos grurin. Australia, e cila është eksportuesi i katërt më i madh i në botë i grurit, ka shënuar rendimentin më të ulët të kësaj kulture gjatë dekadës së fundit për shkak të thatësirës.
Me një mot skajshmërisht të thatë dhe temperatura të larta, ekziston rreziku i zjarreve. Vitin e kaluar, zjarrfikësit luftuan me më shumë se njëqind zjarre. /MeteoBallkan
